Құқықтану  бакалавры

КИМЭП Университетінің құқықтану бакалавры бағдарламасы теория мен практикаға негізделген кешенді құқықтық білім беру үшін әзірленген. Ең жоғары халықаралық стандарттарды қолданатын бағдарлама қазақстандық құқықты зерттеу, сыни ойлау негіздерін және практикалық дағдаларды меңгеру, яғни құжаттарды әзірлеу, клиенттерге кеңес беру, келіссөздерді жүргізу, сондай-ақ жазбаша және ауызша заңгерлік дағдылар сияқты маңызды аспектілерді толығымен қамтиды. Бағдарлама түлектерінің арасында еліміздегі ең үздік және жоғары сұранысқа ие заңгерлер мен аса тиімді кәсіпкерлер бар. Олардың кейбіреулері әлемнің жетекші университеттерінде магистр немесе заң ғылымдарының докторы сияқты дәрежедегі құқық саласында қосымша білім алуды таңдайды. 

Бағдарламаның мақсаты:

– Студенттерде келесі кәсіби білгірлікті дамытатын білікті жоғары тиімді заңгерлер мен бизнесмендерді дайындау:

• заңдар мен қаулыларды, әсіресе, азаматтық және кәсіпкерлік құқықта қолдану;
• ағылшын және орыс тілдерінде құқықтық құжаттарды, соның ішінде жарғылар мен қаулыларды жасау;
• басқа құқықтық жүйенің заңгерлермен байланыс және келіссөздер жасау;
• сотта және басқа да сот процестерінде клиенттердің мүддесін көрсету.

– Болашақ заңгер-ғалымдарға құқықтану саласындағы оқуын жалғастыруға, атап айтқанда, құқықтық зерттеу дағдыларын дамытуына  негіз жасау.

– Студенттердің сыни және аналитикалық  ойлауына ықпал етіп, олардың тілдік, техникалық, зерттеу және  коммуникациялық қабілеттерін кеңейту.

– Кәсіби этика дилеммаларын шешуге мүмкіндік беретін кәсіби этика туралы түсінік қалыптастыру.

Құқықтану бакалавры бағдарламасының келесі оқу нәтижелері болып табылады:
– Заң және саяси-құқықтық терминологияны сауатты әрі негізділік түрде қолдану
– Нормативтік құқықтық актілерге түсінік беру және дұрыс қолдану, заң жөнінен консультация беру
– Меморандумдар мен басқа да заң құжаттарын құрастыру
– Қазақстанның құқықтық жүйесіне халықаралық үрдістердің рөлі мен ықпалын түсінуді көрсету
– Қазақстанның құқықтық жүйесінің ерекшеліктерін және олардың еліміздің конституциялық және құқықтық тарихындағы ұзақ мерзімді процестермен байланысын тиімді түрде түсіндіру
– Этикалық құқықтық шешімдерді қабылдау және басқа заң әрекеттерін жасау
– Құқықтық ақпаратты ағылшын және басқа тілдерде тиімді түрде өңдеу
– Жеке және командада құқықтық зерттеулерді жүзеге асыру

Оқу мерзімі – 4 жыл (күндізгі оқу нысаны).