KIMEP University маңызды тарихи жетістікке қол жеткізіп, Foundation for International Business Administration Accreditation (FIBAA) халықаралық аккредиттеу агенттігінің шартсыз институционалдық қайта аккредиттеуін ең ұзақ мерзімге — 2033 жылдың маусымына дейін жеті жылға алды.
Бұл шешім университеттің жоғары білім берудегі халықаралық сапа стандарттарына толық сәйкес келетінін, академиялық қызметтің жоғары деңгейін, тиімді басқару жүйесін және тұрақты институционалдық дамуын растайды.
Қайта аккредиттеу KIMEP University-дің халықаралық беделін одан әрі нығайтып, студенттер, оқытушылар, қызметкерлер, түлектер және серіктестер үшін университет дипломының құндылығын арттырады.
Студенттер үшін бұл әлемдік деңгейде мойындалған сапалы білім алудың және дипломның халықаралық деңгейде танылуының кепілі.
Оқытушылар мен қызметкерлер үшін бұл олардың кәсіби шеберлігіне, сапалы оқытуына, ғылыми қызметіне және университетті дамытуға қосқан үлесіне берілген жоғары баға.
Түлектер үшін бұл KIMEP дипломының халықаралық беделі мен құндылығының одан әрі арта түсетінін білдіреді.
Бұл жетістік бүкіл KIMEP қауымдастығының бірлескен еңбегінің нәтижесі. Университет өзін-өзі бағалау материалдарын дайындауға және FIBAA сарапшыларымен жұмысқа қатысқан барлық оқытушыларға, қызметкерлерге, студенттер мен түлектерге алғысын білдіреді.
KIMEP University бүкіл қауымдастығын осы маңызды жетістікпен шын жүректен құттықтайды!