KIMEP University Finance мамандығы және Management бағыты бойынша minor бағдарламасында білім алып жатқан 3-курс студенті Иманғали Тілеуғалиұлының Elevate.Interns стартапы Nazarbayev University Research and Innovation System (NURIS) ұйымдастырған ABC Incubation Batch XV бағдарламасының финалына өткенін мақтанышпен хабарлайды.
Финалдық Demo Day іс-шарасы 2026 жылғы 28 мамырда Астана қаласындағы Nazarbayev University базасында өтіп, Қазақстанның түкпір-түкпірінен келген инновациялық стартаптар мен халықаралық жобаларды біріктірді.
Elevate.Interns — 1–4 курс студенттеріне Қазақстандағы және әлемдегі жетекші компанияларда тағылымдамадан өту мүмкіндіктерін табуға көмектесетін мансаптық платформа. Платформа Big4 компаниялары, FMCG компаниялары, стартаптар және халықаралық ұйымдардағы тағылымдамаларға дайындалуға бағытталған.
Платформа студенттерге мансаптық даму бағытында кешенді қолдау көрсетеді, оның ішінде:
- түйіндемені (CV) талдау және жетілдіру;
- soft және hard skills дағдыларын дамыту;
- мансаптық консультациялар;
- сұхбаттасуға дайындық;
- Қазақстанда және шетелде тағылымдамадан өтуге арналған жеке стратегия әзірлеу.
Қазақстандағы ең беделді әрі бәсекелі инкубациялық бағдарламалардың бірінің финалына шығу команда үшін маңызды жетістік болып табылады және студенттердің мансаптық дамуын қолдайтын шешімдердің өзектілігін көрсетеді.
Бағдарлама аясында Elevate.Interns командасы жетекші инвестициялық қорлар мен стартап экожүйесінің сарапшыларына, соның ішінде Khan Tengri Innovation Hub және Jas Ventures өкілдеріне өз жобасын таныстырып, құнды кәсіпкерлік тәжірибе жинақтады. Сондай-ақ команда кәсіби кері байланыс алып, іскерлік байланыстар желісін кеңейтіп, стартаптың әрі қарай даму бағыттарын айқындады.
KIMEP University Иманғали мен Elevate.Interns командасын осы маңызды жетістікпен құттықтап, жобаның одан әрі табысты дамуына тілектестік білдіреді.